Құрметті ата-аналар, талапкерлер!
Колледждерге құжат қабылдау 2022 жылғы 25 маусымнан басталып, 25 тамызға дейін жалғасады. Арнайы және шығармашылық емтихандар 21-28 шілде аралығында өткізіледі.Талапкер 4 оқу орны мен 4 мамандықты таңдай алады.
Ата-аналар және талапкерлер ескеретін басты мәселе - мемлекеттік тапсырыспен (грант) оқуға түсу үшін аттестаттың (міндетті және бейіндік пәндердің) орташа балы және квота санаты:
(1) I, II топтағы мүгедектер, бала кезінен мүгедектер, мүгедек-балалар арасынан шыққан балалар;
2) басқа мемлекеттердің аумағында ұрыс қимылдарының ардагерлері, жеңілдіктер бойынша Ұлы Отан соғысының ардагерлеріне теңестірілген ардагерлердің балалары;
3) ауылдың әлеуметтік-экономикалық дамуын айқындайтын білім беру бағдарламалары бойынша оқуға ауыл жастары арасынан шыққан балалар;
4) ҚР азаматтары болып табылмайтын ұлты қазақ балалар;
5) жетім және ата-анасының қамқорлығынсыз қалған балалар;
6) ҚР Үкіметі айқындаған өңірлерге қоныс аударған ауыл жастар арасынан шыққан Қазақстан Республикасының балалары;
7) кәмелетке толмаған төрт және одан да көп бала тәрбиелеп отырған отбасылардағы балалар, кемінде үш жыл толық емес отбасы мәртебесі бар отбасылардағы балалар;
9) бала кезінен мүгедек балаларды, I, II топтағы мүгедектерді тәрбиелеп отырған отбасылардағы балалар) негізге алынады.
Яғни, осы екі критерий негізінде автоматтандырылған жүйе (smartnation) грант иегерін анықтайды.
Облыстық білім басқармасы ашықтық, жариялылық принциптерін қамтамасыз ету мақсатында колледждерге құжат қабылдау барысында қандай да бір сауал туындаған жағдайда, мына төмендегі байланыс нөмірлеріне хабарласуға болатындығын назарларыңызға жеткіземіз.
Байланыс нөмірлері: 8(7242)60-54-59; 60-54-54; 8(707)763 88 60.
